«حاطة كام حلق؟».. موقف طريف بين ريهام سعيد وسالي عبد السلام على الهواء

شهدت حلقة خاصة بين الإعلامية ريهام سعيد والإعلامية سالي عبد السلام موقفًا طريفًا ومحرجًا على الهواء، عندما علّقت ريهام على استعدادات سالي قبل الحلقة قائلة: «كنت نفسي أشتغل مذيعة راديو، عشان ما أقعدش أجهز كل التجهيز دا قبل الحلقة وألبس البيجامة وأنزل. أنا بخلص الهوا وببقى عايزة أروح بأي طريقة، يعني انتي يا سالي شوفي انتي حاطة كام حلق في ودانك».

ردت سالي عبد السلام بابتسامة: «أنا حطيت الحلقان قبل ما أجي وبحب أهتم بالتفاصيل جدًا، وساعات أعرف أرتبها وأوقات لا»، لترد ريهام: «يعني لو نمتي على ودنك كده، بتنامي على كل الحلقان دي؟».

 وتابعت سالي: «الجمال محتاج معاناة، والدبلة مش بقدر ألبسها لكن الخواتم عادي». وردّت ريهام: «أنا لو لبست حلق أو خاتم أحس إني مخنوقة، والناس اللي زيك يا سالي هما دول النجوم»، لترد سالي: «أومال يختي بختنا قليل ليه».

في وقت سابق، أثارت ريهام سعيد الجدل بعد نشرها منشور على فيسبوك تنتقد فيه الفنان أحمد العوضي قبل أن تحذفه بعد دقائق، قائلة: «أنا فكرت كويس لو رديت عليك هاتزعل، وأنا مش عايزة أزعل حد في الأيام المباركة دي، وانت بتشتغل دلوقتي وقررت من نفسك أن مسلسلك هاينجح من قبل ما نشوفه، فهاسيبك تركز، بس هاييجي يوم وهارد عليك ده لو ربنا ماردش الأول».

 وأكدت ريهام أنها ستظهر في بث مباشر مساء اليوم للرد على منتقديها، موضحة: «انت فنان كبير وليك تاريخك، وزي ما قدرتني واتكلمت عن أهم حلقات ليا من وجهة نظرك، أنا كمان أحب أشكر فيك وفي تاريخك الطويل، النهاردة إن شاء الله الساعة 12 بليل».